Háspenna og mikilvægum sigri landað!

Njarðvík og Haukar buðu uppá mikla skemmtun í Ljónagryfjunni fyrr í kvöld þegar að liðin mættust í Iceland Express deild kvenna. Eftir mikinn slag fór svo að lokum að UMFN stelpur lönduðu sætum 95-80 sigri eftir framlengdan leik. Eftir sigurinn eru UMFN stúlkur með 4 stig rétt eins og Valur & Snæfell en deildin er gríðarlega jöfn í ár. Það var mikið fjör í upphafi leiksins í kvöld og okkar stelpur mættu greinilega tilbúnar í slaginn. Góð byrjun og þegar leikhlutinn var hálfnaður var staðan 13-8 okkar stúlkum í vil. Þá seig á ógæfuhliðina og lið Hauka fór að spila fasta vörn á okkar stelpur sem gerðu sig seka um mörg klaufamistök. Gestirnir tóku völdin á vellinum og staðan 19-25 eftir 1.leikhlutann. Annar leikhluti byrjaði þokkalega en Haukastelpur voru þó grimmari í öllum sínum aðgerðum og einbeitningarleysið hjá okkar stelpum talsvert. T.d var Ólöf Helga afar lánlaus á þessum kafla og ólík sjálfri sér sem munaði miklu fyrir okkar lið. Eftir heilt yfir slakan hálfleik okkar liðs leiddu Haukastelpur 31-43 og voru til alls líklegar. Shantrell Moss var yfirburðarmaður hjá okkar liði í hálfleik. Þriðji leikhlutinn byrjaði ekki gæfulega og juku gestirnir við forskotið og komu því mest uppí 17 stig! Unndór Sigurðsson tók leikhlé um miðjan fjórðunginn og las “hressilega” yfir liði sínu og stelpurnar tóku kallinn á orðinu og mættu gríðarlega grimmar til leiks eftir reiðilesturinn. Eftir fínan lokasprett í 3.leikhluta minnkuðu okkar stelpur muninn sem var þó samt 12 stig fyrir lokahlutann en Heather Ezell leikmaður Hauka sem var “funheit” var komin með 4 villur. Okkar stelpur byrjuðu svo fjórða leikhlutann af miklum krafti og baráttan var allsráðandi. Þegar um 7 mínútur voru eftir fékk Ezell sína 5 villu við lítinn fögnuð gestanna sem fengu dæmda tæknivillu á bekkinn. Shantrell Moss kom muninum niður í 6 stig og sjálfstraustið falveg farið hjá gestunum sem voru ráðvilltar í sókninni án Ezell. Lokamínúturnar í venjulegum leiktíma voru undarlegar en afar spennandi. Okkar stelpur spiluðu glimrandi vörn en áttu erfitt með að skora þrátt fyrir fín færi. Sem dæmi missti Shantrell galopið lay up eftir hraðaupphlaup sem var ótrúlegt alveg. Heiða Valdimars braut loks ísinn með tveimur vítaskotum og þá rétt á eftir kom að þætti Ólafar Helgu Pálsdóttur sem setti RISA 3ja stiga körfu og jafnaði leikinn fyrir okkur! Ólöf mætt í húsið og sú steig upp eins og sannur leiðtogi á lokakaflanum! Haukar áttu svo fín færi í sinni síðustu sókn en boltinn endaði hjá okkur þegar 15 sekúndur voru eftir og staðan 76-76. Shantrell fékk ágætt skot undir lokin sem geigaði og framlenging staðreynd! Stemmingin var öll komin UMFN megin og mátti sjá vonleysið skína úr andlitum gestanna. Enda fór svo að lokum að okkar stelpur “rúlla” upp framlengingunni og sigra hana 19-4! Endar leikurinn 95-80 og má með sanni segja að þetta hafi verið flottur karaktersigur UMFN. Shantrell Moss var stórkostleg í leiknum í kvöld! Hún setti 45 stig og reif niður 17 fráköst, var algjör leiðtogi liðsins. Krafturinn í þessari stelpu er mikill og hún er dónalega mikið fljótari en aðrir leikmenn. Stórleikur hennar skóp þennan sigur en Ólöf Helga átti frábæran lokakafla sem var rosalega dýrmætur, setti 15 stig en flest þegar mestu máli skipti. Helga Jónasar var traust og innkoma Ínu af bekknum var ljómandi góð og setti hún 11 stig. Harpa Hallgrímsdóttir var traust sem fyrr og þá átti Heiða Valdimars lipra spretti og barðist vel. Breyddin hjá UMFN var meiri en hjá Haukum og hrundi leikur gestanna þegar Ezell fór út af með 5 villur en fram að því var hún mögnuð og endaði með 36 stig, 8 þrista úr 15 skottilraunum, klassa leikmaður. Vel var mætt á leikinn í kvöld, fólk var að týnast inn hægt og bítandi og var stemmingin flott undir lokin. Okkar lið á hrós skilið fyrir baráttuna og ljóst að liðið á samt helling inni. Næsta verkefni er leikur gegn Grindavík á útivelli sem verður erfitt en með álíka baráttu eru allir vegir færir. Shantrell Moss átti stórleik 45 stig og 17 fráköst!! Njarðvík og Haukar buðu uppá mikla skemmtun í Ljónagryfjunni fyrr í kvöld þegar að liðin mættust í Iceland Express deild kvenna. Eftir mikinn slag fór svo að lokum að UMFN stelpur lönduðu sætum 95-80 sigri eftir framlengdan leik. Eftir sigurinn eru UMFN stúlkur með 4 stig rétt eins og Valur & Snæfell en deildin er gríðarlega jöfn í ár. Það var mikið fjör í upphafi leiksins í kvöld og okkar stelpur mættu greinilega tilbúnar í slaginn. Góð byrjun og þegar leikhlutinn var hálfnaður var staðan 13-8 okkar stúlkum í vil. Þá seig á ógæfuhliðina og lið Hauka fór að spila fasta vörn á okkar stelpur sem gerðu sig seka um mörg klaufamistök. Gestirnir tóku völdin á vellinum og staðan 19-25 eftir 1.leikhlutann. Annar leikhluti byrjaði þokkalega en Haukastelpur voru þó grimmari í öllum sínum aðgerðum og einbeitningarleysið hjá okkar stelpum talsvert. T.d var Ólöf Helga afar lánlaus á þessum kafla og ólík sjálfri sér sem munaði miklu fyrir okkar lið. Eftir heilt yfir slakan hálfleik okkar liðs leiddu Haukastelpur 31-43 og voru til alls líklegar. Shantrell Moss var yfirburðarmaður hjá okkar liði í hálfleik. Þriðji leikhlutinn byrjaði ekki gæfulega og juku gestirnir við forskotið og komu því mest uppí 17 stig! Unndór Sigurðsson tók leikhlé um miðjan fjórðunginn og las “hressilega” yfir liði sínu og stelpurnar tóku kallinn á orðinu og mættu gríðarlega grimmar til leiks eftir reiðilesturinn. Eftir fínan lokasprett í 3.leikhluta minnkuðu okkar stelpur muninn sem var þó samt 12 stig fyrir lokahlutann en Heather Ezell leikmaður Hauka sem var “funheit” var komin með 4 villur. Okkar stelpur byrjuðu svo fjórða leikhlutann af miklum krafti og baráttan var allsráðandi. Þegar um 7 mínútur voru eftir fékk Ezell sína 5 villu við lítinn fögnuð gestanna sem fengu dæmda tæknivillu á bekkinn. Shantrell Moss kom muninum niður í 6 stig og sjálfstraustið falveg farið hjá gestunum sem voru ráðvilltar í sókninni án Ezell. Lokamínúturnar í venjulegum leiktíma voru undarlegar en afar spennandi. Okkar stelpur spiluðu glimrandi vörn en áttu erfitt með að skora þrátt fyrir fín færi. Sem dæmi missti Shantrell galopið lay up eftir hraðaupphlaup sem var ótrúlegt alveg. Heiða Valdimars braut loks ísinn með tveimur vítaskotum og þá rétt á eftir kom að þætti Ólafar Helgu Pálsdóttur sem setti RISA 3ja stiga körfu og jafnaði leikinn fyrir okkur! Ólöf mætt í húsið og sú steig upp eins og sannur leiðtogi á lokakaflanum! Haukar áttu svo fín færi í sinni síðustu sókn en boltinn endaði hjá okkur þegar 15 sekúndur voru eftir og staðan 76-76. Shantrell fékk ágætt skot undir lokin sem geigaði og framlenging staðreynd! Stemmingin var öll komin UMFN megin og mátti sjá vonleysið skína úr andlitum gestanna. Enda fór svo að lokum að okkar stelpur “rúlla” upp framlengingunni og sigra hana 19-4! Endar leikurinn 95-80 og má með sanni segja að þetta hafi verið flottur karaktersigur UMFN. Shantrell Moss var stórkostleg í leiknum í kvöld! Hún setti 45 stig og reif niður 17 fráköst, var algjör leiðtogi liðsins. Krafturinn í þessari stelpu er mikill og hún er dónalega mikið fljótari en aðrir leikmenn. Stórleikur hennar skóp þennan sigur en Ólöf Helga átti frábæran lokakafla sem var rosalega dýrmætur, setti 15 stig en flest þegar mestu máli skipti. Helga Jónasar var traust og innkoma Ínu af bekknum var ljómandi góð og setti hún 11 stig. Harpa Hallgrímsdóttir var traust sem fyrr og þá átti Heiða Valdimars lipra spretti og barðist vel. Breyddin hjá UMFN var meiri en hjá Haukum og hrundi leikur gestanna þegar Ezell fór út af með 5 villur en fram að því var hún mögnuð og endaði með 36 stig, 8 þrista úr 15 skottilraunum, klassa leikmaður. Vel var mætt á leikinn í kvöld, fólk var að týnast inn hægt og bítandi og var stemmingin flott undir lokin. Okkar lið á hrós skilið fyrir baráttuna og ljóst að liðið á samt helling inni. Næsta verkefni er leikur gegn Grindavík á útivelli sem verður erfitt en með álíka baráttu eru allir vegir færir. Shantrell Moss átti stórleik 45 stig og 17 fráköst!!