Njarðvíkingar kynntir í Sparisjóðnum

Í dag hélt körfuknattleiksdeild Ungmennafélags Njarðvíkur blaðamannafund í Sparisjóðnum í Njarðvík. Á fundinum voru kynntir nýjir leikmenn sem hafa gengið til liðs við félagið á síðustu dögum sem og þeir þjálfarar sem hafa bæst í þjálfarahóp félagsins. Mynd að ofan: Páll Kristinsson, Jóhann Árni Ólafsson, Kristján Rúnar Sigurðsson, Rúnar Ingi Erlingsson og Guðmundur Jónsson á blaðamannafundinum í dag. Jón Guðlaugsson formaður körfuknattleiksdeildarinnar kynnti til leiks nýja leikmenn og greindi jafnframt frá því að búið væri að endurnýja samninga við leikmenn sem léku með liðinu í vetur. Jón kvað þetta vera hátíðardag fyrir Njarðvíkinga og var gríðarlega sáttur eins og aðrir í stjórn félagsins sem hafa lagt mikið á sig síðastliðnar vikur að fá þessa stráka heim aftur. Alexander Ragnarsson formaður unglingaráðs tók einnig til máls og greindi frá því að Einar Árni Jóhannsson hefur verið ráðinn yfirþjálfari yngri flokka til næstu 5 ára og að Margrét Sturlaugsdóttir hefur jafnframt verið ráðin til starfa hjá unglingaráði en hún mun þjálfa tvo kvennaflokka næsta vetur. Unglingaráð hefur fullan hug á að gera gott starf enn betra á komandi árum og ekki skemmir það fyrir að iðkendur yngri flokka sjái eins öflugt meistaraflokkslið sem er nánast bara alið á uppöldum leikmönnum. Sigurður Hilmar Ólafsson formaður kvennaráðs var síðastur á mælendaskrá og talaði um að þar væri unnið hörðum höndum að því að halda áfram uppbyggingu kvennaliðsins sem fór af stað fyrir tveimur árum og mun næsta vetur leika í Iceland Express deild kvenna. Unnið er í leikmannamálum kvennaliðsins þessa dagana. Eins og við greindum frá hér á heimasíðunni á dögunum þá hefur verið samið við Guðmund Jónsson, Jóhann Árna Ólafsson, Kristján Rúnar Sigurðsson, Rúnar Inga Erlingsson og Pál Kristinsson en þetta eru allt uppaldir Njarðvíkingar sem snúa til baka eftir stutta fjarveru. Friðrik Stefánsson, Logi Gunnarsson, Magnús Gunnarsson, Hjörtur Hrafn Einarsson, Grétar Már Garðarsson, Elías Kristjánsson, Friðrik Guðni Óskarsson og Sævar Sævarsson hafa allir gengið frá áframahaldandi samningum við UMFN og þá eru óupptaldir fjölmargir ungir og efnilegir leikmenn sem hafa verið að stíga sín fyrstu skref með meistaraflokki á síðastliðnu ári. Mynd: Leikmannahópur UMFN ásamt Val Ingimundarsyni þjálfara liðsins. Margrét Sturlaugsdóttir er ný í þjálfarahóp félagsins en Margrét kemur inn með mikla reynslu þar sem hún hefur þjálfað til margra ára í Keflavík. Margrét er jafnframt þjálfari U18 ára landsliðs kvenna. Unglíngaráð fagnar komu Margrétar til félagsins en unnið er að því þessa dagana að ganga frá þjálfaramálum allra flokka og verður það kynnt hér á heimasíðunni fljótlega. Þá munu sumaræfingar yngri flokka hefjast 22. júní nk en sumaræfingar verða kynntar hér á heimasíðunni í næstu viku. Mynd: Margrét Sturlaugsdóttir og Alexander Ragnarsson handsala hér samning þess efnis að Margrét mun þjálfa í yngri flokkum UMFN næsta vetur Að lokum bendum við á enn frekari umfjöllun af blaðamannafundinum á www.karfan.is en þar má m.a. finna viðtöl sem tekin voru á fundinum í dag. Í dag hélt körfuknattleiksdeild Ungmennafélags Njarðvíkur blaðamannafund í Sparisjóðnum í Njarðvík. Á fundinum voru kynntir nýjir leikmenn sem hafa gengið til liðs við félagið á síðustu dögum sem og þeir þjálfarar sem hafa bæst í þjálfarahóp félagsins. Mynd að ofan: Páll Kristinsson, Jóhann Árni Ólafsson, Kristján Rúnar Sigurðsson, Rúnar Ingi Erlingsson og Guðmundur Jónsson á blaðamannafundinum í dag. Jón Guðlaugsson formaður körfuknattleiksdeildarinnar kynnti til leiks nýja leikmenn og greindi jafnframt frá því að búið væri að endurnýja samninga við leikmenn sem léku með liðinu í vetur. Jón kvað þetta vera hátíðardag fyrir Njarðvíkinga og var gríðarlega sáttur eins og aðrir í stjórn félagsins sem hafa lagt mikið á sig síðastliðnar vikur að fá þessa stráka heim aftur. Alexander Ragnarsson formaður unglingaráðs tók einnig til máls og greindi frá því að Einar Árni Jóhannsson hefur verið ráðinn yfirþjálfari yngri flokka til næstu 5 ára og að Margrét Sturlaugsdóttir hefur jafnframt verið ráðin til starfa hjá unglingaráði en hún mun þjálfa tvo kvennaflokka næsta vetur. Unglingaráð hefur fullan hug á að gera gott starf enn betra á komandi árum og ekki skemmir það fyrir að iðkendur yngri flokka sjái eins öflugt meistaraflokkslið sem er nánast bara alið á uppöldum leikmönnum. Sigurður Hilmar Ólafsson formaður kvennaráðs var síðastur á mælendaskrá og talaði um að þar væri unnið hörðum höndum að því að halda áfram uppbyggingu kvennaliðsins sem fór af stað fyrir tveimur árum og mun næsta vetur leika í Iceland Express deild kvenna. Unnið er í leikmannamálum kvennaliðsins þessa dagana. Eins og við greindum frá hér á heimasíðunni á dögunum þá hefur verið samið við Guðmund Jónsson, Jóhann Árna Ólafsson, Kristján Rúnar Sigurðsson, Rúnar Inga Erlingsson og Pál Kristinsson en þetta eru allt uppaldir Njarðvíkingar sem snúa til baka eftir stutta fjarveru. Friðrik Stefánsson, Logi Gunnarsson, Magnús Gunnarsson, Hjörtur Hrafn Einarsson, Grétar Már Garðarsson, Elías Kristjánsson, Friðrik Guðni Óskarsson og Sævar Sævarsson hafa allir gengið frá áframahaldandi samningum við UMFN og þá eru óupptaldir fjölmargir ungir og efnilegir leikmenn sem hafa verið að stíga sín fyrstu skref með meistaraflokki á síðastliðnu ári. Mynd: Leikmannahópur UMFN ásamt Val Ingimundarsyni þjálfara liðsins. Margrét Sturlaugsdóttir er ný í þjálfarahóp félagsins en Margrét kemur inn með mikla reynslu þar sem hún hefur þjálfað til margra ára í Keflavík. Margrét er jafnframt þjálfari U18 ára landsliðs kvenna. Unglíngaráð fagnar komu Margrétar til félagsins en unnið er að því þessa dagana að ganga frá þjálfaramálum allra flokka og verður það kynnt hér á heimasíðunni fljótlega. Þá munu sumaræfingar yngri flokka hefjast 22. júní nk en sumaræfingar verða kynntar hér á heimasíðunni í næstu viku. Mynd: Margrét Sturlaugsdóttir og Alexander Ragnarsson handsala hér samning þess efnis að Margrét mun þjálfa í yngri flokkum UMFN næsta vetur Að lokum bendum við á enn frekari umfjöllun af blaðamannafundinum á www.karfan.is en þar má m.a. finna viðtöl sem tekin voru á fundinum í dag.