Sigur gegn Keflavík

Njarðvíkingar sigruðu granna sína úr Keflavík fyrr í kvöld 73-83 á Sunnubrautinni í frekar bragðdaufum leik þar sem okkar menn voru mun betri. Það er ánægjulegt að hafa lagt erkifjendurna í báðum deildarleikjum vetrarins en líklegt er að liðin mætist í úrslitakeppninni í fyrstu umferð. UMFN er í 5.sæti deildarinnar með 22 stig en Keflvíkingar hafa 24 í 4.sætinu. Logi gunnarsson lék ekki með UMFN annan leikinn í röð, ekki frekar en Þröstur hjá Keflavík. Leikurinn byrjaði vel hjá okkar mönnum og fór Heath fremstur í flokki okkar manna. Um miðjan fyrsta leikhluta leiddu okkar menn 9-14 og voru að spila flottan bolta. Keflvíkingar bitu á jaxlinn og leiddu með einu stigi 22-21 eftir leikhlutann sem var mun líflegri en annar leikhluti sem fer seint í sögubækurnar fyrir skemmtanagildi. Öðrum leikhluta lauk 32-33 fyrir okkar mönnum og ekki oft sem Keflvíkingar skora bara 10 stig í leikhluta á heimavelli! Eftir hlé byrjuðu heimamenn betur og komust í 36-33 en þá svöruðu okkar piltar með flottu áhlaupi. Munurinn fór í 7 stig en Keflvíkingar náðu að jafna. Valur tók leikhlé og aftur náðu okkar menn fínu áhlaupi. Skotnýting heimamanna var herfileg fyrir utan 3ja stiga línuna en á meðan settu okkar menn góðar körfur. Magnús Þór reyndist sínum gömlu félögum erfiður og setti stóra þrista á þessum kafla. Eftir þetta virtust Keflvíkingar hreinlega gefast upp og voru ótrúlega daprir. Það verður ekki tekið af okkar mönnum að þeir gerðu vel en hafa oft þurft að hafa meira fyrir hlutunum í Keflavík. Að lokum lönduðu okkar menn sanngjörnum tíu stiga sigri 73-83 og voru allar tilraunir heimamanna til þess að gera leikinn spennandi undir lokin brotnar niður. Heath var bestur okkar manna með 19 stig 7 fráköst og 6 stoðsendingar auk þess sem hann nýtti skot sín afar vel. Magnús átti flottar rispur og setti nokkrar “bombur” á sína fyrrum félaga. Það þótti kappanum ekki leiðinlegt en Sævar Sævarsson setti einnig tvær stórar 3ja stiga körfur í seinni hálfleik. F. Memicic var seigur, hann setti 16 stig og reif 10 fráköst og þrátt fyrir formleysið er hann að skila “solid” verki. Friðrik Erlendur var líka traustur með 11 stig 9 fráköst 4 stoðsendingar og 3 varin skot. Innkoma Grétars var að vanda fín og þá er vert að geta innkomu Andra Fannars sem gerði fína hluti. Elías og Hjörtur voru fínir og Elías setti stóran þrist á góðum tíma, hefur vaxið mjög í vetur. Sigurinn var fyrir mestu enda aldrei leiðinlegt að vinna nágranna okkar. Fjölmennt var í húsinu en stemmingin álíka fjörug og á Bingó kvöldi á Ólafslundi. Þrátt fyrir það voru það áhorfendur UMFN sem létu meira í sér heyra og fóru sáttir heim. Valur Ingimundarson hefur því sigrað báðar rimmurnar í vetur gegn litla bró og eins og fyrr segir ekki dónalegt að taka Keflvíkinga í báðum rimmunum í vetur. Það verður spennandi að sjá rimmur þessara liða í úrslitakeppninni. Nokkuð ljóst er að þessi lið mætast og kæmi ekki á óvart þó svo Keflvíkingar myndu styrkja sig með bandaríkjamanni fyrir lokaátökin. Við skulum bíða og sjá en það er nokkuð ljóst að þessi lið ætla sér bæði lengra en bara í 8-liða úrslitin! Næsta verkefni okkar manna er heimaleikur gegn Blikum á fimmtudaginn í Ljónagryfjunni. Magga leiddist ekki að negla bombum á gömlu félagana. Njarðvíkingar sigruðu granna sína úr Keflavík fyrr í kvöld 73-83 á Sunnubrautinni í frekar bragðdaufum leik þar sem okkar menn voru mun betri. Það er ánægjulegt að hafa lagt erkifjendurna í báðum deildarleikjum vetrarins en líklegt er að liðin mætist í úrslitakeppninni í fyrstu umferð. UMFN er í 5.sæti deildarinnar með 22 stig en Keflvíkingar hafa 24 í 4.sætinu. Logi gunnarsson lék ekki með UMFN annan leikinn í röð, ekki frekar en Þröstur hjá Keflavík. Leikurinn byrjaði vel hjá okkar mönnum og fór Heath fremstur í flokki okkar manna. Um miðjan fyrsta leikhluta leiddu okkar menn 9-14 og voru að spila flottan bolta. Keflvíkingar bitu á jaxlinn og leiddu með einu stigi 22-21 eftir leikhlutann sem var mun líflegri en annar leikhluti sem fer seint í sögubækurnar fyrir skemmtanagildi. Öðrum leikhluta lauk 32-33 fyrir okkar mönnum og ekki oft sem Keflvíkingar skora bara 10 stig í leikhluta á heimavelli! Eftir hlé byrjuðu heimamenn betur og komust í 36-33 en þá svöruðu okkar piltar með flottu áhlaupi. Munurinn fór í 7 stig en Keflvíkingar náðu að jafna. Valur tók leikhlé og aftur náðu okkar menn fínu áhlaupi. Skotnýting heimamanna var herfileg fyrir utan 3ja stiga línuna en á meðan settu okkar menn góðar körfur. Magnús Þór reyndist sínum gömlu félögum erfiður og setti stóra þrista á þessum kafla. Eftir þetta virtust Keflvíkingar hreinlega gefast upp og voru ótrúlega daprir. Það verður ekki tekið af okkar mönnum að þeir gerðu vel en hafa oft þurft að hafa meira fyrir hlutunum í Keflavík. Að lokum lönduðu okkar menn sanngjörnum tíu stiga sigri 73-83 og voru allar tilraunir heimamanna til þess að gera leikinn spennandi undir lokin brotnar niður. Heath var bestur okkar manna með 19 stig 7 fráköst og 6 stoðsendingar auk þess sem hann nýtti skot sín afar vel. Magnús átti flottar rispur og setti nokkrar “bombur” á sína fyrrum félaga. Það þótti kappanum ekki leiðinlegt en Sævar Sævarsson setti einnig tvær stórar 3ja stiga körfur í seinni hálfleik. F. Memicic var seigur, hann setti 16 stig og reif 10 fráköst og þrátt fyrir formleysið er hann að skila “solid” verki. Friðrik Erlendur var líka traustur með 11 stig 9 fráköst 4 stoðsendingar og 3 varin skot. Innkoma Grétars var að vanda fín og þá er vert að geta innkomu Andra Fannars sem gerði fína hluti. Elías og Hjörtur voru fínir og Elías setti stóran þrist á góðum tíma, hefur vaxið mjög í vetur. Sigurinn var fyrir mestu enda aldrei leiðinlegt að vinna nágranna okkar. Fjölmennt var í húsinu en stemmingin álíka fjörug og á Bingó kvöldi á Ólafslundi. Þrátt fyrir það voru það áhorfendur UMFN sem létu meira í sér heyra og fóru sáttir heim. Valur Ingimundarson hefur því sigrað báðar rimmurnar í vetur gegn litla bró og eins og fyrr segir ekki dónalegt að taka Keflvíkinga í báðum rimmunum í vetur. Það verður spennandi að sjá rimmur þessara liða í úrslitakeppninni. Nokkuð ljóst er að þessi lið mætast og kæmi ekki á óvart þó svo Keflvíkingar myndu styrkja sig með bandaríkjamanni fyrir lokaátökin. Við skulum bíða og sjá en það er nokkuð ljóst að þessi lið ætla sér bæði lengra en bara í 8-liða úrslitin! Næsta verkefni okkar manna er heimaleikur gegn Blikum á fimmtudaginn í Ljónagryfjunni. Magga leiddist ekki að negla bombum á gömlu félagana.