Frábær sigur hjá ToPo

Logi Gunnarsson og félagar hans í ToPo gerðu sér lítið fyrir og skelltu Honka í kvöld og urðu lokatölur 63-72. Eins og lokatölur gefa til kynna var varnarleikurinn í fyrirrúmi hjá liðunum. Logi skoraði 9 stig í kvöld og komu þau úr þremur þriggja stiga körfum úr fimm skotum en Logi lék í 22 mínútur að þessu sinni. Mynd: Logi Gunnarsson og félagar unnu góðan sigur í kvöld. Leikurinn var í beinni útsendingu í Finnlandi og ToPo byrjaði með látum á þessum erfiða útivelli og gerðu fyrstu 13 stig leiksins. Staðan eftir fyrsta leikhluta var 13-25 og rjúkandi gangur á Loga og félögum. Honka náði með baráttu að jafna 35-35 en lengra komust þeir ekki eftir þennan góða sprett og ToPo leiddi 36-40 í hálfleik. Í þriðja leikhluta bættu ToPo svo í og náðu 15 stiga forskoti, 46-61. Honka minnkaði muninn í 8 stig, 61-69 en gestirnir voru sterkari á lokasprettinum og höfðu 63-72 sigur. Það má einnig geta þess að Jerry West hinn eini sanni var á vellinum í kvöld en hann gerði sér ferð til að skoða hinn efnilega Petteri Koponen hjá Honka. Omari Westley, sem lék með KR í fyrra og var kannski frægastur fyrir að gefa Halldóri Halldórssyni Keflvíkingi hressilegt olnbogaskot, lék í kvöld sinn fyrsta leik með Loga og félögum og gerði hann 8 stig. Þeir Wesby og Simpson voru einnig komnir til baka eftir meiðsli en þeir voru ekki með í síðasta leik. Wesby gerði 13 stig en Simpson gerði 9 stig rétt eins og John Thomas. Kumpulainen var stigahæstur ToPo með 16 stig. Á þessari upptalningu má sjá að breiddin hefur skilað meiru hjá ToPo. Hinn gríðarlega efnilegi Petteri Koponen var stigahæstur Honka með 18 stig en strákurinn er fæddur 1988. Tölfræði leiksins. Sigurinn setur ToPo í jafna stöðu með KTP Basket í fjórða og fimmta sætinu. Hér má sjá stöðu deildarinnar. Á föstudaginn er svo enn einn stórleikurinn hjá Loga en þá mæta ToPo einmitt KTP Basket og þvínæst mæta þeir Namika Lahti sem eru í þriðja sæti, tveimur sigrum ofar en ToPo. Heimasíðan sendir Loga og félögum baráttukveðjur og hefur fulla trú á því að ToPo nái sér í heimaleikjarétt fyrir úrslitakeppnina. Logi Gunnarsson og félagar hans í ToPo gerðu sér lítið fyrir og skelltu Honka í kvöld og urðu lokatölur 63-72. Eins og lokatölur gefa til kynna var varnarleikurinn í fyrirrúmi hjá liðunum. Logi skoraði 9 stig í kvöld og komu þau úr þremur þriggja stiga körfum úr fimm skotum en Logi lék í 22 mínútur að þessu sinni. Mynd: Logi Gunnarsson og félagar unnu góðan sigur í kvöld. Leikurinn var í beinni útsendingu í Finnlandi og ToPo byrjaði með látum á þessum erfiða útivelli og gerðu fyrstu 13 stig leiksins. Staðan eftir fyrsta leikhluta var 13-25 og rjúkandi gangur á Loga og félögum. Honka náði með baráttu að jafna 35-35 en lengra komust þeir ekki eftir þennan góða sprett og ToPo leiddi 36-40 í hálfleik. Í þriðja leikhluta bættu ToPo svo í og náðu 15 stiga forskoti, 46-61. Honka minnkaði muninn í 8 stig, 61-69 en gestirnir voru sterkari á lokasprettinum og höfðu 63-72 sigur. Það má einnig geta þess að Jerry West hinn eini sanni var á vellinum í kvöld en hann gerði sér ferð til að skoða hinn efnilega Petteri Koponen hjá Honka. Omari Westley, sem lék með KR í fyrra og var kannski frægastur fyrir að gefa Halldóri Halldórssyni Keflvíkingi hressilegt olnbogaskot, lék í kvöld sinn fyrsta leik með Loga og félögum og gerði hann 8 stig. Þeir Wesby og Simpson voru einnig komnir til baka eftir meiðsli en þeir voru ekki með í síðasta leik. Wesby gerði 13 stig en Simpson gerði 9 stig rétt eins og John Thomas. Kumpulainen var stigahæstur ToPo með 16 stig. Á þessari upptalningu má sjá að breiddin hefur skilað meiru hjá ToPo. Hinn gríðarlega efnilegi Petteri Koponen var stigahæstur Honka með 18 stig en strákurinn er fæddur 1988. Tölfræði leiksins. Sigurinn setur ToPo í jafna stöðu með KTP Basket í fjórða og fimmta sætinu. Hér má sjá stöðu deildarinnar. Á föstudaginn er svo enn einn stórleikurinn hjá Loga en þá mæta ToPo einmitt KTP Basket og þvínæst mæta þeir Namika Lahti sem eru í þriðja sæti, tveimur sigrum ofar en ToPo. Heimasíðan sendir Loga og félögum baráttukveðjur og hefur fulla trú á því að ToPo nái sér í heimaleikjarétt fyrir úrslitakeppnina.