Guðmundur Jónsson semur við Þórsara

Guðmundur Jónsson okkar öflugi bakvörður hefur ákveðið að söðla um og leika með liði Þórs frá Akureyri næsta vetur. Þessi ákvörðun var tekin að vel íhuguðu máli og taldi leikmaðurinn rétt að breyta um umhverfi að þessu sinni. Sú ákvörðun hefur eflaust ekki verið auðveld en það verður spennandi að sjá Gumma fyrir norðan næsta vetur enda í góðum höndum hjá hinum geðþekka Hrafni Kristjánssyni. Guðmundur, sem er 24 ára gamall er uppalinn hjá UMFN og hefur aldrei leikið með öðrum liðum. Guðmundur á að baki þrátt fyrir ungan aldur 5 leiktímabil með Njarðvík í úrvalsdeild og hefur unnið alla þá titla sem í boði eru í íslenskum körfuknattleik. Árið 2005 átti Guðmundur stórleik fyrir félagið í bikarúrslitaleiknum þegar UMFN urðu bikarmeistarar og árið 2006 var kappinn magnaður í úrslitakeppninni og liðið vann þann stóra. Gummi á að baki 102 leiki og í þeim hefur hann skorað 702 stig eða 6,9 að meðaltali í leik. Betri varnarmann er vart hægt að finna og er Gummi mikill fengur fyrir Þórsara. Guðmundur sagði í samtali við vu2140.ed.1984.is að honum fyndist tímabært að breyta til og hlakkaði mikið til að flytjast norður. Gumma Jóns verður sárt saknað en við erum sannfærð um að sjá pilt aftur á fjölum Ljónagryfjunnar í grænu og þá jafnvel að spila við hlið bróður síns Ólafs Helga sem er ungur og efnilegur leikmaður UMFN í 1992 árgangnum. Stjórn, leikmenn og stuðningsmenn UMFN senda Guðmundi kærar kveðjur og óska honum alls hins besta fyrir norðan um leið og honum er þakkað fyrir frábær ár. Örvar Þ Kristjánsson Guðmundur Jónsson okkar öflugi bakvörður hefur ákveðið að söðla um og leika með liði Þórs frá Akureyri næsta vetur. Þessi ákvörðun var tekin að vel íhuguðu máli og taldi leikmaðurinn rétt að breyta um umhverfi að þessu sinni. Sú ákvörðun hefur eflaust ekki verið auðveld en það verður spennandi að sjá Gumma fyrir norðan næsta vetur enda í góðum höndum hjá hinum geðþekka Hrafni Kristjánssyni. Guðmundur, sem er 24 ára gamall er uppalinn hjá UMFN og hefur aldrei leikið með öðrum liðum. Guðmundur á að baki þrátt fyrir ungan aldur 5 leiktímabil með Njarðvík í úrvalsdeild og hefur unnið alla þá titla sem í boði eru í íslenskum körfuknattleik. Árið 2005 átti Guðmundur stórleik fyrir félagið í bikarúrslitaleiknum þegar UMFN urðu bikarmeistarar og árið 2006 var kappinn magnaður í úrslitakeppninni og liðið vann þann stóra. Gummi á að baki 102 leiki og í þeim hefur hann skorað 702 stig eða 6,9 að meðaltali í leik. Betri varnarmann er vart hægt að finna og er Gummi mikill fengur fyrir Þórsara. Guðmundur sagði í samtali við vu2140.ed.1984.is að honum fyndist tímabært að breyta til og hlakkaði mikið til að flytjast norður. Gumma Jóns verður sárt saknað en við erum sannfærð um að sjá pilt aftur á fjölum Ljónagryfjunnar í grænu og þá jafnvel að spila við hlið bróður síns Ólafs Helga sem er ungur og efnilegur leikmaður UMFN í 1992 árgangnum. Stjórn, leikmenn og stuðningsmenn UMFN senda Guðmundi kærar kveðjur og óska honum alls hins besta fyrir norðan um leið og honum er þakkað fyrir frábær ár. Örvar Þ Kristjánsson