Öruggur sigur í fyrsta leik!

Okkar menn byrjuðu tímabilið vel þegar að þeir sóttu góðan 70-88 sigur í Kennaraháskólann í kvöld en leikið var gegn ÍR. Frábær varnarleikur lagði grunnin að þessum sigri og sóknin fylgdi í kjölfarið. Sigur í fyrsta leik Sigurðar Ingimundarsonar hjá UMFN og sýndi liðið flott tilþrif í kvöld. Það var talsverður spenningur og eftirvænting hjá leikmönnum beggja liða þegar leikurinn hófst og sáust flott sóknartilþrif í fyrsta leikhluta. Jafnræði var með liðunum og eftir 1.leikhluta leiddu heimamenn 25-24 en varnarleikurinn var ekki uppá marga fiska til að byrja með. Í öðrum leikhluta spila okkar menn frábæra vörn og fara inn með 7 stiga forskot 37-44 í hálfleik. UMFN piltar bættu enn í vörnina og gengu frá leiknum í upphafi 3ja leikhluta! Lok, lok og læs og ÍR-ingar áttu í miklum vandræðum! Skoruðu ekki fyrstu 6 mínúturnar í leikhlutanum á meðan okkar menn settu upp skotsýningu. Magnús Þór Gunnarsson og Kristján Rúnar voru drjúgir á þessum kafla. Í raun má segja að okkar menn hafi klárað leikinn í 3. leikhlutanum og skoruðu ÍR-ingar ekki nema 9 stig gegn 25 stigum okkar manna! Fjórði leikhluti var nánast formsatriði og léku okkar menn af mikilli skynsemi. Að lokum fór þetta eins og fyrr segir 70-88 og okkar menn hefja tímabilið vel. Magnús Þór var besti leikmaður liðsins í kvöld með 24 stig og 6 stoðsendingar og þá átti Jóhann Árni afbragðsleik með 21 stig. Innkoma Kristjáns var öflug og setti hann 2 bombur á góðum tíma. Gömlu refirnir Friðrik og Páll voru traustir en í raun var liðsheild UMFN gríðarlega sterk í kvöld. Hjá ÍR var Hreggviður ágætur og Sovic drjúgur en heilt yfir léku þeir ekki vel. Næsti leikur er gegn Tindastól á heimavelli á Sunnudaginn og hefst hann kl 19:15 Magnús Þór var okkar besti maður í kvöld með 24 stig og 6 stoðsendingar Okkar menn byrjuðu tímabilið vel þegar að þeir sóttu góðan 70-88 sigur í Kennaraháskólann í kvöld en leikið var gegn ÍR. Frábær varnarleikur lagði grunnin að þessum sigri og sóknin fylgdi í kjölfarið. Sigur í fyrsta leik Sigurðar Ingimundarsonar hjá UMFN og sýndi liðið flott tilþrif í kvöld. Það var talsverður spenningur og eftirvænting hjá leikmönnum beggja liða þegar leikurinn hófst og sáust flott sóknartilþrif í fyrsta leikhluta. Jafnræði var með liðunum og eftir 1.leikhluta leiddu heimamenn 25-24 en varnarleikurinn var ekki uppá marga fiska til að byrja með. Í öðrum leikhluta spila okkar menn frábæra vörn og fara inn með 7 stiga forskot 37-44 í hálfleik. UMFN piltar bættu enn í vörnina og gengu frá leiknum í upphafi 3ja leikhluta! Lok, lok og læs og ÍR-ingar áttu í miklum vandræðum! Skoruðu ekki fyrstu 6 mínúturnar í leikhlutanum á meðan okkar menn settu upp skotsýningu. Magnús Þór Gunnarsson og Kristján Rúnar voru drjúgir á þessum kafla. Í raun má segja að okkar menn hafi klárað leikinn í 3. leikhlutanum og skoruðu ÍR-ingar ekki nema 9 stig gegn 25 stigum okkar manna! Fjórði leikhluti var nánast formsatriði og léku okkar menn af mikilli skynsemi. Að lokum fór þetta eins og fyrr segir 70-88 og okkar menn hefja tímabilið vel. Magnús Þór var besti leikmaður liðsins í kvöld með 24 stig og 6 stoðsendingar og þá átti Jóhann Árni afbragðsleik með 21 stig. Innkoma Kristjáns var öflug og setti hann 2 bombur á góðum tíma. Gömlu refirnir Friðrik og Páll voru traustir en í raun var liðsheild UMFN gríðarlega sterk í kvöld. Hjá ÍR var Hreggviður ágætur og Sovic drjúgur en heilt yfir léku þeir ekki vel. Næsti leikur er gegn Tindastól á heimavelli á Sunnudaginn og hefst hann kl 19:15 Magnús Þór var okkar besti maður í kvöld með 24 stig og 6 stoðsendingar