Rúnar Ingi til Blika

Bakvörðurinn knái Rúnar Ingi Erlingsson hefur ákveðið að ganga til liðs við Breiðablik sem leikur í 1. deild karla í körfuknattleik. Rúnar hefur allan sinn feril leikið með Njarðvík og hefur undanfarið verið í meistaraflokki félagsins. Þau tækifæri sem Rúnar hefur fengið nýtti hann vel og sýndi og sannaði að þarna er á ferð efnilegur leikstjórnandi. Rúnar Ingi var leikstjórnandi í einum sigursælasta yngri flokki Íslandssögunnar, 1989 árganginum okkar hjá Njarðvík sem allt frá 7. flokki höfðu algera yfirburði upp alla yngri flokkana. Rúnar á einnig fjölda landsleikja að baki með yngri landsliðum Íslands svo hér er á ferðinni mjög leikreyndur leikmaður þrátt fyrir ungan aldur. Rúnar ákvað þetta eftir langa umhugsun að skella sér í 1.deildina til Blika. Blikar hafa sett sér markmið um að komast upp í úrvalsdeild og ljóst að Rúnar styrkir þá mikið. Þar hittir hann fyrir þjálfarann góðkunna úr Njarðvík, Einar Árna Jóhannsson. „Það er náttúrulega rosalega erfitt að yfirgefa Ljónagryfjuna þar sem maður hefur alist upp og unnið marga titla með UMFN en í dag þarf ég að hugsa um hvað hentar mér best sem leikmanni og því miður sé ég ekki fram á að ég nái að bæta það sem ég þarf að bæta hjá UMFN á næsta tímabili,” sagði Rúnar. Leikmenn, stuðningsmenn og stjórn UMFN óska Rúnari Inga velfarnaðar hjá nýju liði. Rúnar er piltur góður og hæfileikaríkur leikmaður og vonumst við til þess að sjá hann í grænu UMFN treyjunni í nánustu framtíð. Bakvörðurinn knái Rúnar Ingi Erlingsson hefur ákveðið að ganga til liðs við Breiðablik sem leikur í 1. deild karla í körfuknattleik. Rúnar hefur allan sinn feril leikið með Njarðvík og hefur undanfarið verið í meistaraflokki félagsins. Þau tækifæri sem Rúnar hefur fengið nýtti hann vel og sýndi og sannaði að þarna er á ferð efnilegur leikstjórnandi. Rúnar Ingi var leikstjórnandi í einum sigursælasta yngri flokki Íslandssögunnar, 1989 árganginum okkar hjá Njarðvík sem allt frá 7. flokki höfðu algera yfirburði upp alla yngri flokkana. Rúnar á einnig fjölda landsleikja að baki með yngri landsliðum Íslands svo hér er á ferðinni mjög leikreyndur leikmaður þrátt fyrir ungan aldur. Rúnar ákvað þetta eftir langa umhugsun að skella sér í 1.deildina til Blika. Blikar hafa sett sér markmið um að komast upp í úrvalsdeild og ljóst að Rúnar styrkir þá mikið. Þar hittir hann fyrir þjálfarann góðkunna úr Njarðvík, Einar Árna Jóhannsson. „Það er náttúrulega rosalega erfitt að yfirgefa Ljónagryfjuna þar sem maður hefur alist upp og unnið marga titla með UMFN en í dag þarf ég að hugsa um hvað hentar mér best sem leikmanni og því miður sé ég ekki fram á að ég nái að bæta það sem ég þarf að bæta hjá UMFN á næsta tímabili,” sagði Rúnar. Leikmenn, stuðningsmenn og stjórn UMFN óska Rúnari Inga velfarnaðar hjá nýju liði. Rúnar er piltur góður og hæfileikaríkur leikmaður og vonumst við til þess að sjá hann í grænu UMFN treyjunni í nánustu framtíð.