Sigur á Sunnubraut ( 1-2 )

Njarðvíkingar svöruðu heldur betur kallinu í kvöld, jafnt á vellinum og í stúkunni þegar að „stoltinu“ var bjargað eftir magnaðan sigur á Sunnubrautinni 86-88! Fyrsti sigur UMFN á Keflavík í úrslitakeppninni síðan 2002 og ekkert sóp takk fyrir! Sigurinn var óþarflega naumur en Keflvíkingar náðu að minnka muninn verulega undir lokin eftir að okkar piltar fóru gjörsamlega á kostum í þriðja leikhluta. Þar lögðu menn grunn að góðum sigri með hreint út sagt frábærum körfubolta. Fyrri hálfleikurinn í kvöld var gríðarlega skemmtilegur og okkar menn mættu greinilega vel stemmdir enda létu stuðningsmenn UMFN vel í sér heyra frá fyrstu mínútu. Eftir mikið fjör og flottan bolta frá báðum liðum leiddu okkar menn 46-49 í hálfleik og allt annar bragur á liðinu. Sóknarleikur beggja liða var öflugur og mörg glæsileg tilþrif glöddu þá fjölmörgu áhorfendur sem fylltu Sunnubrautina í kvöld. Eftir hlé mætti bara annað liðið til leiksins og okkar piltar fóru gjörsamlega á kostum í 3.leikhluta. Munurinn varð mestur 20 stig og nutu stuðningsmenn UMFN þess í botn að sjá til liðsins eftir hrakfarirnar í síðasta leik. Keflvíkingum til hróss þá mættu þeir baráttuglaðari til leiks í fjórða leikhluta og gerðu leikinn óþarflega spennandi. Lið UMFN fór að verja forskotið og spennan var mjög mikil undir lokin en sætum og MIKILVÆGUM sigri var landað og það er fyrir öllu. Guðmundur Jónsson steig hressilega upp í kvöld og smellti 17 stigum og reif 8 fráköst. Þessi hörkuspilari var þessi „töffari“ sem liðinu hefur sárlega vantað að undanförnu og kom gríðarlega sterkur til leiks, setti stórar BOMBUR á góðum tíma. Magnús Þór og Nick Bradford voru drjúgir og flottir með 20 stig hvor og þá var Friðrik Erlendur gríðarlega traustur með 8 stig 12 fráköst og 7 stoðsendingar. Innkoma Egils Jónasonar í fyrri hálfleik var tær snilld en kappinn sýndi frábæra takta og gladdi Njarðvíkurhjörtun með flottum troðslum sem kveiktu í stúkunni. Páll Kristinsson og Hjötur Hrafn skiluðu flottum leik og Jóhann Árni barðist eins og ljón! Rúnar Ingi spilaði mjög vel í fyrri hálfleik, átti fínar sendingar og gerði vel en LIÐSHEILDIN var okkar skæðasta vopn í kvöld. Keflvíkingar eiga hrós skilið fyrir baráttuna og þeir gáfust ekki upp þrátt fyrir mikinn mun. Gunnar Einarsson er að spila gríðarlega vel rétt eins og Hörður Axel sem er orðinn að frábærum leikmanni. Áhorfendur UMFN voru frábærir í kvöld, óhætt að segja það! Frá fyrstu mínútu lét fólkið vel í sér heyra og besta stemming sem lengi hefur sést meðal stuðningsmanna UMFN. Njarðvíkingar svöruðu kallinu, fjölmenntu og stóðu sig vel. Nú er bara að halda sér í sama gír og fjölmenna á þriðjudagskvöldið í LJÓNAGRYFJUNA og tryggja UMFN oddaleik! Sama stemmara á þriðjudag takk fyrir, við vitum að stuðningsmenn Keflvíkinga mæta stemmdir í gryfjuna – við látum ekki okkar eftir liggja, fjörið er rétt að byrja! Áfram Njarðvík “Farðu heim” – Egill Jónasson ver skot frá Gunnari Einarssyni í kvöld. Egill kom inn af miklum krafti og Gunnar heldur áfram að spila glimrandi vel Njarðvíkingar svöruðu heldur betur kallinu í kvöld, jafnt á vellinum og í stúkunni þegar að „stoltinu“ var bjargað eftir magnaðan sigur á Sunnubrautinni 86-88! Fyrsti sigur UMFN á Keflavík í úrslitakeppninni síðan 2002 og ekkert sóp takk fyrir! Sigurinn var óþarflega naumur en Keflvíkingar náðu að minnka muninn verulega undir lokin eftir að okkar piltar fóru gjörsamlega á kostum í þriðja leikhluta. Þar lögðu menn grunn að góðum sigri með hreint út sagt frábærum körfubolta. Fyrri hálfleikurinn í kvöld var gríðarlega skemmtilegur og okkar menn mættu greinilega vel stemmdir enda létu stuðningsmenn UMFN vel í sér heyra frá fyrstu mínútu. Eftir mikið fjör og flottan bolta frá báðum liðum leiddu okkar menn 46-49 í hálfleik og allt annar bragur á liðinu. Sóknarleikur beggja liða var öflugur og mörg glæsileg tilþrif glöddu þá fjölmörgu áhorfendur sem fylltu Sunnubrautina í kvöld. Eftir hlé mætti bara annað liðið til leiksins og okkar piltar fóru gjörsamlega á kostum í 3.leikhluta. Munurinn varð mestur 20 stig og nutu stuðningsmenn UMFN þess í botn að sjá til liðsins eftir hrakfarirnar í síðasta leik. Keflvíkingum til hróss þá mættu þeir baráttuglaðari til leiks í fjórða leikhluta og gerðu leikinn óþarflega spennandi. Lið UMFN fór að verja forskotið og spennan var mjög mikil undir lokin en sætum og MIKILVÆGUM sigri var landað og það er fyrir öllu. Guðmundur Jónsson steig hressilega upp í kvöld og smellti 17 stigum og reif 8 fráköst. Þessi hörkuspilari var þessi „töffari“ sem liðinu hefur sárlega vantað að undanförnu og kom gríðarlega sterkur til leiks, setti stórar BOMBUR á góðum tíma. Magnús Þór og Nick Bradford voru drjúgir og flottir með 20 stig hvor og þá var Friðrik Erlendur gríðarlega traustur með 8 stig 12 fráköst og 7 stoðsendingar. Innkoma Egils Jónasonar í fyrri hálfleik var tær snilld en kappinn sýndi frábæra takta og gladdi Njarðvíkurhjörtun með flottum troðslum sem kveiktu í stúkunni. Páll Kristinsson og Hjötur Hrafn skiluðu flottum leik og Jóhann Árni barðist eins og ljón! Rúnar Ingi spilaði mjög vel í fyrri hálfleik, átti fínar sendingar og gerði vel en LIÐSHEILDIN var okkar skæðasta vopn í kvöld. Keflvíkingar eiga hrós skilið fyrir baráttuna og þeir gáfust ekki upp þrátt fyrir mikinn mun. Gunnar Einarsson er að spila gríðarlega vel rétt eins og Hörður Axel sem er orðinn að frábærum leikmanni. Áhorfendur UMFN voru frábærir í kvöld, óhætt að segja það! Frá fyrstu mínútu lét fólkið vel í sér heyra og besta stemming sem lengi hefur sést meðal stuðningsmanna UMFN. Njarðvíkingar svöruðu kallinu, fjölmenntu og stóðu sig vel. Nú er bara að halda sér í sama gír og fjölmenna á þriðjudagskvöldið í LJÓNAGRYFJUNA og tryggja UMFN oddaleik! Sama stemmara á þriðjudag takk fyrir, við vitum að stuðningsmenn Keflvíkinga mæta stemmdir í gryfjuna – við látum ekki okkar eftir liggja, fjörið er rétt að byrja! Áfram Njarðvík “Farðu heim” – Egill Jónasson ver skot frá Gunnari Einarssyni í kvöld. Egill kom inn af miklum krafti og Gunnar heldur áfram að spila glimrandi vel