Tap eftir vítaspyrnukeppni

A lið 5.flokks gerði jafntefli 4-4 eftir venjulegan leiktíma í undanúrslitaleik Faxaflóamótsins í gær. Ekkert mark var skorað í framlengingunni og því þurfti að grípa til vítaspyrnukeppni til þess að fá fram úrslit. Fóru leikar þá þannig að Njarðvíkingar misnotuðu tvær, en FH nýtti allar sínar. Liðið er þar með úr leik en FH kemst í úrslitaleikinn. Leikurinn sjálfur var hin besta skemmtun og sýndu bæði lið hreint frábæra takta. Njarðvík komst í 1-0 með marki frá Ólafi Helga strax á upphafs mínútunum og með smá heppni hefðu þeir geta bætt við öðru marki. FH- ingar sóttu í sig veðrið og jöfnuðu leikinn. Bættu síðan við öðru marki fyrir hlé og staðan því 1-2 í hálfleik. Í upphafi síðari hálfleiks skoraði FH sitt þriðja mark og bætti svo við því fjórða skömmu síðar. Héldu nú flestir að formsatriði væri að ljúka leiknum því FH hafði leikinn í höndum sér og hefði þess vegna getað bætt við mörkum. En Njarðvíkurstrákarnir neituðu að gefast upp og síðustu tíu mínúturnar í leiknum voru þeir allsráðandi á vellinum og náðu að jafna áður en yfir lauk. Fyrst var það Lúkas sem skoraði 2 glæsileg mörk og munurinn þá skyndilega aðeins eitt mark. Það var svo Andri Fannar sem skoraði jöfnunarmarkið með hnitmiðuðu og óvæntu skoti. Litlu munaði í tvígang að Njarðvík stæli sigrinum en inn vildi boltinn ekki og því þurfti að framlengja. Í framlengingunni (2×5 mín.) sóttu liðin á víxl en fá færi sköpuðust enda farið að draga nokkuð af leikmönnum. Vítaspyrnukeppni var því óumflýjanleg en lyktaði henni eins og áður er lýst. Þrátt fyrir tap geta strákarnir borið höfuðið hátt því þeir spiluð frábærlega á köflum við erfiða andstæðinga. Það verður spennandi að fylgjast með þeim í sumar. Mynd / Lúkas Malesa setti tvö mörk gegn FH í gær. Reykjaneshöll Faxaflóamót 5. flokkur, undanúrslit Njarðvík – FH 4 – 4 ( 1 – 2 ) 3 – 4 eftir vítaspyrnukeppni Lið Njarðvíkur: Andri Fannar Freysson, Ari Freyr Færseth, Arnar Freyr Valsson, Arnór Ingvi Traustason, Helgi Vilbergsson, Jón Óli Ómarsson, Styrmir Gauti Fjeldsted, Lúsas Malesa, Olafur Helgi Jónsson. A lið 5.flokks gerði jafntefli 4-4 eftir venjulegan leiktíma í undanúrslitaleik Faxaflóamótsins í gær. Ekkert mark var skorað í framlengingunni og því þurfti að grípa til vítaspyrnukeppni til þess að fá fram úrslit. Fóru leikar þá þannig að Njarðvíkingar misnotuðu tvær, en FH nýtti allar sínar. Liðið er þar með úr leik en FH kemst í úrslitaleikinn. Leikurinn sjálfur var hin besta skemmtun og sýndu bæði lið hreint frábæra takta. Njarðvík komst í 1-0 með marki frá Ólafi Helga strax á upphafs mínútunum og með smá heppni hefðu þeir geta bætt við öðru marki. FH- ingar sóttu í sig veðrið og jöfnuðu leikinn. Bættu síðan við öðru marki fyrir hlé og staðan því 1-2 í hálfleik. Í upphafi síðari hálfleiks skoraði FH sitt þriðja mark og bætti svo við því fjórða skömmu síðar. Héldu nú flestir að formsatriði væri að ljúka leiknum því FH hafði leikinn í höndum sér og hefði þess vegna getað bætt við mörkum. En Njarðvíkurstrákarnir neituðu að gefast upp og síðustu tíu mínúturnar í leiknum voru þeir allsráðandi á vellinum og náðu að jafna áður en yfir lauk. Fyrst var það Lúkas sem skoraði 2 glæsileg mörk og munurinn þá skyndilega aðeins eitt mark. Það var svo Andri Fannar sem skoraði jöfnunarmarkið með hnitmiðuðu og óvæntu skoti. Litlu munaði í tvígang að Njarðvík stæli sigrinum en inn vildi boltinn ekki og því þurfti að framlengja. Í framlengingunni (2×5 mín.) sóttu liðin á víxl en fá færi sköpuðust enda farið að draga nokkuð af leikmönnum. Vítaspyrnukeppni var því óumflýjanleg en lyktaði henni eins og áður er lýst. Þrátt fyrir tap geta strákarnir borið höfuðið hátt því þeir spiluð frábærlega á köflum við erfiða andstæðinga. Það verður spennandi að fylgjast með þeim í sumar. Mynd / Lúkas Malesa setti tvö mörk gegn FH í gær. Reykjaneshöll Faxaflóamót 5. flokkur, undanúrslit Njarðvík – FH 4 – 4 ( 1 – 2 ) 3 – 4 eftir vítaspyrnukeppni Lið Njarðvíkur: Andri Fannar Freysson, Ari Freyr Færseth, Arnar Freyr Valsson, Arnór Ingvi Traustason, Helgi Vilbergsson, Jón Óli Ómarsson, Styrmir Gauti Fjeldsted, Lúsas Malesa, Olafur Helgi Jónsson.