Guðjón Árni ráðinn afreksþjálfari Njarðvíkur

Guðjón Árni Antoníusson hefur verið ráðinn afreksþjálfari hjá knattspyrnudeild Njarðvíkur.

Hann kemur til með að hafa yfirumsjón með skipulagningu, utanumhaldi og afreksþjálfun einstaklinga í elstu flokkum félagsins.

Guðjón Árni býr yfir mikilli reynslu og þekkingu sem leikmaður og einnig sem þjálfari. Guðjón Árni sem er íþróttafræðingur hefur þjálfað meistaraflokk Víðis, yfirþjálfari Reynis/Víðis, 2. flokk karla hjá Keflavík og verið styrkarþjálfari í Metabolic í Reykjanesbæ. Á sínum leikmannaferli lék hann með Víði, Keflavík og FH þar sem hann hefur bæði orðið Íslandsmeistari og bikarmeistari auk þess að eiga leik með A landsliði Íslands.

Með ráðningu Guðjóns Árna er stigið skref í átt að eflingu á afreksstarfi félagsins. Markmið afreksþjálfara verður að móta knattspyrnumenn framtíðarinnar. Þá er einnig hlutverk afreksþjálfara að vinna náið með öðrum þjálfurum félagsins.

Njarðvík býður Guðjón Árna velkominn til starfa!